seisei.is 
Viðtöl og greinar Hrossarækt Seigur á sex fimmunum
Viðtöl og greinar Hrossarækt Seigur á sex fimmunum | Seigur á sex fimmunum |
| þriðjudagur, 14 apríl 2009 | |
 Glymur frá Innri-Skeljabrekku er einn mesti gæðingur í röðum stóðhesta. Það undirstrikaði hann rækilega á vel heppnaðri Stóðhestaveislu Rangárhallarinnar síðastliðinn laugardag. Knapi var Þórður sjení Þorgeirsson.  Glymur er verðmætur stóðhestur. Hann er afar litfagur, móvindóttur með silfurslegið fax og tagl. Hann gefur um 40% vindótt, 31% móvindótt og 8% jarpvindótt. Gæðin hafa verið augljós frá því hann var sýndur fjögra vetra. Allur gangur frábær. Lundin sömuleiðis.  Akkilesarhæll Glyms er hins vegar EINKUNN fyrir fótagerð — 6,5! Að gerð eru fæturnir akkúrat eins og þeir eiga ekki að vera samkvæmt stigunarkvarða kynbótahrossa: Grannir fætur, grannar sinar, lítil sinaskil (engin sinaskil?). Samkvæmt kenningunni eru þetta mjög veikbyggðir og lélegir fætur.  Glymur hefur verið notaður til reiðar frá því hann var á fjórða vetur. Hann hefur verið sýndur til afkasta á fjórum kynbótasýningum, auk annarra sýninga. Samkvæmt teoríunni ætti hann að vera orðinn haltur og kvíðinn. En það er öðru nær. Þeir sem sáu Glym á Stóðhestaveislu Rangárhallarinnar geta vitnað um það. Finna má ýmsar upplýsingar um Glym á slóðinni: http://www.glymur.blog.is/blog/glymur/ |
| < Fyrra | Næsta > |
|---|
seisei.is | Skeiða- og Gnúpverjahreppi | 862 7898 |
Þetta netfang er varið fyrir ruslpóst snöpum, þú þarf að hafa javascript virkt í vafranum til að sjá það.
